Árið 2020 á hæsti turn veraldar, Tower of Dubai Creek Harbour, að vera fullkláraður. Sheikh Mohammed bin Rashid Al Maktoum, tók í gær fyrstu skóflustunguna.
Ekki er orðið klárt hversu hár turninn verður, en hann verður að minnsta kosti hærri en Burj Khalifa sem er 828 metra hár og þar með hæsti turn í heimi.
Kostnaðurinn við byggingu turnsins er sagður vera um 900 milljónir Bandaríkjadala. Arkitektinn Santiago Calatrava Valls sér um hönnun byggingarinnar sem verður með 360 gráðu útsýni.
Áætlað er að skýjakljúfurinn verði klár fyrir vörusýninguna sem haldin verður i Dubai árið 2020, er haft eftir stjórnarformanni fyrirtækisins Emaar-eigna sem reisir turninn.
Sumum þykja fréttirnar ógnvekjandi og vísi þar með í skýjakljúfravísitöluna, sem á það til að benda á bólumyndun á heimsmörkuðum.