Andstæðingar fiskveiðistjórnunarkerfisins reyndu hvað þeir gátu að trufla samstöðufund LÍÚ á Austurvelli fyrir skömmu en höfðu ekki erindi sem erfiði.

Sem kunnugt er hafði Landssamband íslenskra útvegsmanna (LÍÚ) boðað til samstöðufundar á Austurvelli í dag. um 70 skip eru nú í Reykjavíkurhöfn en þau sigldu þangað í nótt og í morgun með áhafnir sínar til að taka þátt á fundinum. Um 1.500 – 2.000 manns hafa nú safnast saman á Austurvelli þar sem frumvörpum ríkisstjórnarinnar í sjávarútvegsmálum er mótmælt.

Þar hefur einnig safnast saman hópur af fólki til að mótmæla samstöðufundinum og LÍÚ. Blaðamaður Viðskiptablaðsins er staddur á Austurvelli og segir að þeir mótmælendur hafi reynt með óhljóðum að trufla ræðuhöld auk þess sem þeir hafi kveikt á því sem virðist vera reyksprengja eða blys til að trufla fundinn. Frummælendur kláruðu þó ræður sínar. Rétt er að taka fram að sjómenn kveiktu einnig á blysum í lok fundarins.

Fyrir utan þessi atviki hefur fundurinn enn sem komið er farið nokkuð friðsamlega fram. Helst er þó tekist á með orðum á milli þeirra sem sækja fund LÍÚ og þeirra sem þarna eru til að mótmæla LÍÚ. Lögreglan er með viðbúnað á svæðinu og hefur m.a. girt af Alþingishúsið. Þess utan hefur þingpöllum einnig verið lokað.

Fyrir Alþingi liggja nú tvö frumvörp, annars vegar frumvarp um veiðileyfagjaldið svokallaða og  hins vegar frumvarp um fiskveiðistjórnun sem í stuttu máli felur í sér afnám núverandi kerfis.

Hér að neðan má sjá myndir frá fundinum sem teknar voru fyrir skömmu.

Frá samstöðufundi LÍÚ á Austurvelli þann 07.06.12.
Frá samstöðufundi LÍÚ á Austurvelli þann 07.06.12.
© vb.is (vb.is)
Fundurinn fór vel af stað. Um 1.500 - 2.000 manns höfðu safnast fyrir á Austurvelli.

Frá samstöðufundi LÍÚ á Austurvelli í dag. Hópur fólks reyndi að trufla fundinn en tókst ekki að stöðva hann.
Frá samstöðufundi LÍÚ á Austurvelli í dag. Hópur fólks reyndi að trufla fundinn en tókst ekki að stöðva hann.
© vb.is (vb.is)

Reynt var að trufla fundinn með því að kveikja á reykblysum.

Frá samstöðufundi LÍÚ á Austurvelli þann 07.06.12.
Frá samstöðufundi LÍÚ á Austurvelli þann 07.06.12.
© vb.is (vb.is)

Fundarmenn létu frammíköll og reyk ekki trufla sig meira en svo að þeir stóðu áfram á Austurvelli.

Frá samstöðufundi LÍÚ á Austurvelli þann 07.06.12.
Frá samstöðufundi LÍÚ á Austurvelli þann 07.06.12.
© vb.is (vb.is)

Hópur einstaklinga sem safnaðst hafði saman til að mótmæla fundi LÍÚ kom meðal annars fyrir þessum sovéska fána.