Reynir Bjarni Egilsson hefur tekið við starfi framkvæmdastjóra Útgáfulausna hjá Valitor. Á sama tíma sameinuðust deildirnar Útgáfulausnir og Útgáfuvinnsla undir nafni þeirrar fyrrgreindu. Útgáfulausnir sinna allri þjónustu, rekstri og hugbúnaðarþróun fyrir þær lausnir sem Valitor býður bönkum og sparisjóðum í tengslum við útgáfu greiðslukorta. Greint er frá þessu í fréttatilkynningu.

Reynir Bjarni hefur langa reynslu af störfum á greiðslukortamarkaði og hefur starfað hjá Valitor siðan 2004. Þar hefur hann m.a. starfað við söluráðgjöf, fjármál, vörustýringu og nú síðast sem stjórnandi á vöruþróunar- og rekstrarsviði. Reynir Bjarni er með B.Sc í viðskiptafræði frá Háskóla Íslands og meistaragráðu í fjármálum fyrirtækja frá Háskólanum í Reykjavík.

„Valitor er með leyfi frá Visa og MasterCard til útgáfu greiðslukorta og Útgáfulausnir koma að útgáfu allra Visa greiðslukorta á Íslandi í samstarfi við banka og sparisjóði. Samhliða því halda Útgáfalausnir úti kerfum sem gera farsímagreiðslur mögulegar, bjóða upp á endurkröfuþjónustu og sinna neyðarþjónustu til korthafa utan opnunartíma banka og sparisjóða,“ segir í fréttatilkynningu Valitor.