Eftirspurnin eftir ríkisskuldabréfum sem ríkið gaf út í dag að fjárhæð 750 milljónum evra, nam fjórfaldri upphæð útgáfunnar, sem samsvarar um 117 milljörðum íslenskra króna.
- Sjá einnig: Raunvextir nálgast núllið
Bjarni Benediktsson fjármála- og efnahagsráðherra segir markaðssaðstæðurnar fyrir útgáfuna sérlega hagstæðar nú eins og sjáist á þessum kjörum auk þess sem lausafjárstaða ríkissjóðs sé mjög góð.
- Sjá einnig: Raunvextir fóru undir núllið
Í tilkynningu stjórnarráðsins segir að fjárfestar hafi sýnt útgáfunni mikinn áhuga og eftirspurnin því numið tæplega 3,5 milljörðum evra, en fjárfestahópurinn samanstendur af bönkum, tryggingafélögum og öðrum fagfjárfestum, aðallega frá Norður-Evrópu.
- Sjá einnig: „Næsta ár verður ár peningaprentunar“
Fjárfestahópurinn taldi vel yfir 150 aðila, en í útboðsferlinu bötnuðu kjör ríkissjóðs um 12 punkta frá fyrstu verðleiðsögn. Umsjón útgáfunnar var í höndum Citibank, Barclays og Deutsche Bank.
- Sjá einnig: Markaðsbrestur á skuldabréfamarkaði
„Viðbrögð fjárfesta eru til marks um greiðan aðgang ríkissjóðs að alþjóðamörkuðum og endurspegla traust á styrk okkar og getu til þess að mæta efnahagslegum afleiðingum heimsfaraldursins. Með þessari lántöku treystir ríkissjóður en frekar stöðu sína til lengri tíma, en lausafjárstaða ríkissjóðs er mjög góð um þessar mundir,“ segir Bjarni Benediktsson fjármála- og efnahagsráðherra.
„Útgáfan nú er í samræmi við stefnu í lánamálum, en aukinni fjárþörf ríkissjóðs á næstu árum verður að hluta til mætt með erlendri lántöku eða með því að hagnýta gjaldeyriseign ríkissjóðs í Seðlabanka Íslands. Markaðsaðstæður eru sérlega hagstæðar um þessar mundir eins og kjör ríkissjóðs nú bera með sér.“
