Guðlaugur Þór Þórðarson, þingmaður Sjálfstæðisflokksins og varaformaður fjárlaganefndar, vill að ríkið selji húsnæði Þjóðskjalasafns Íslands á Laugavegi og lögreglustöðina við Hverfisgötu. Greint er frá þessu á mbl.is .
Fjárlaganefnd Alþingis fundaði í morgun í fyrsta sinn eftir sumarfrí. Guðlaugur Þór segist í samtali við mbl.is að hann hafi bókað það á fundi samstarfsnefndar um opinberar framkvæmdir að menn nýti þau sóknarfæri sem felist í því að selja fasteignirnar. Gríðarlegur fórnarkostnaður sé fólginn í því að hafa slíka starfsemi á miðborgarsvæðinu.
„Ef það eru ekki tækifæri núna fyrir ríkið að taka bæði þessi hús, skipuleggja þau upp á nýtt og selja þau, þá er það aldrei. Það skiptir einnig máli fyrir sjálfa miðborgina okkar, að þessar risabyggingar sem nýtast illa séu ekki þar," segir Guðlaugur Þór.
