Ríkissaksóknari hefur ákveðið að áfrýja sýknudómi Héraðsdóms Reykjavíkur í máli gegn Ástu Kristínu Andrésdóttur hjúkrunarfræðings til Hæstaréttar. Þetta kemur fram á vef Ríkissaksóknara.
Ásta var ákærð fyrir manndráp af gáleysi eftir að sjúklingur lést á gjörgæsludeild Landspítala á árinu 2012.
Saksóknari fór fram á að Ásta yrði dæmd í fjögurra til sex mánaða skilorðsbundið fangelsi og til að greiða sakarkostnað upp á 1,2 milljónir króna.
