Ríkissjóður hefur keypt til baka eigin skuldabréf að nafnvirði 31 milljón Bandaríkjadala í skuldabréfaflokknum “ICELAND 5.875%“ sem eru á gjalddaga 2022, (Reg S ISIN USX34650AA31 and 144A ISIN US451029AE22; Reg S CUSIP X34650AA3 and 144A CUSIP 451029AE2) af Seðlabanka Íslands á verðinu 113,29, sem samsvarar um 3,8 ma.kr. Heildarnafnverð útgáfunnar nam 1.000 milljónum Bandaríkjadala. Þetta kemur fram í tilkynningu frá fjármálaráðuneytinu.
Uppkaupin nú koma í framhaldi af uppkaupum ríkissjóðs á skuldabréfum í sömu útgáfu síðastliðið vor. Eru þau liður í lausafjár- og skuldastýringu ríkissjóðs og miða að því að draga enn úr vaxtakostnaði ríkissjóðs á komandi árum.
