Þrír nýir koma inn í stjórn FL Group á aðalfundi félagsins í næstu viku.
Þeir eru: Árni Hauksson, Eiríkur Jóhannsson og Katrín Pétursdóttir.
Þeir sem fara út út stjórn eru: Gunnar Sigurðsson, Kristín Edwald og Þórður Már Jóhannesson.
Einnig verða breytingar á varastjórn. Peter Mollerup verður þar áfram, en í stað Smára S. Sigurðssonar kemur Þórður Bogason.
Stjórn FL Group verður skjálfkjörin en auk þeirra þriggja sem þegar hafa verið nefnd verða í henni: Jón Ásgeir Jóhannesson, Pálmi Haraldsson, Hannes Smárason og Þorsteinn M. Jónsson.
