Alls var þinglýst 126 kaupsamningum á höfuðborgarsvæðinu í síðustu viku, þar af 97 samningum um fjölbýli og 20 samningum um sérbýli en 9 samningum um aðrar eignir, segir greiningardeild Kaupþings banka.
"Að meðaltali hefur verið þinglýst um 146 kaupsamningum á viku síðastliðnar 12 vikur. Miðað við síðustu 12 vikur er velta nú um 20% minni en á sama tíma fyrir ári síðan. Enn fremur hefur töluverður viðsnúningur átt sér stað síðan í mars og apríl er þinglýst var nærri 200 kaupsamningum á viku," segir greiningardeildin.
