*

miðvikudagur, 26. júní 2019
Innlent 1. september 2014 16:40

Róteringar í forsætisráðuneytinu

Jóhannes Þór yfirgefur Sigmund Davíð og Lilja Alfreðsdóttir verður verkefnisstjóri í forsætisráðuneytinu.

Ritstjórn
Birgir Ísl. Gunnarsson

Ákveðið hefur verið að Jóhannes Þór Skúlason, aðstoðarmaður forsætisráðherra, muni fyrst um sinn jafnframt gegna embætti aðstoðarmanns dómsmálaráðherra og hafa aðstöðu í innanríkisráðuneytinu frá og með deginum í dag, 1. september. Eins og áður hefur verið greint frá munu dómsmál færast tímabundið undir Sigmund Davíðs Gunnlaugsson forsætisráðherra í kjölfar þess að Hanna Birna Kristjánsdóttir innanríkisráðherra baðst undan þeim í kjölfar lekamálsins. 

Á sama tíma hefur Lilja D. Alfreðsdóttir, aðstoðarframkvæmdastjóri á skrifstofu bankastjóra og alþjóðasamskipta í Seðlabankanum, verið ráðin tímabundið sem verkefnisstjóri í forsætisráðuneytinu.  

Fram kemur í tilkynningu frá forsætisráðuneytinu að Lilja kemur til starfa á grundvelli tímabundins vistaskiptasamnings við Seðlabankann og verður Lilja í leyfi frá bankanum á meðan samningurinn varir. Í tilkynningunni segir að Lilja hefur unnið í Seðlabanka Íslands frá árinu 2001 og starfað sem aðstoðarframkvæmdastjóri frá 2005. Einnig starfaði hún hjá Alþjóðagjaldeyrissjóðnum í Washington DC frá 2010-2012. Lilja D. Alfreðsdóttir er með meistaragráðu frá Columbia University í alþjóðahagfræði og BA gráðu stjórnmálafræði frá Háskóla Íslands. 

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is