*

föstudagur, 20. september 2019
Frjáls verslun 20. ágúst 2019 19:45

Sá launahæsti með 9,6 milljónir á mánuði

Arnar Scheving Thorsteinsson var tekjuhæstur starfsmanna fjármálafyrirtækja í fyrra og Sigurður Atli Jónsson kom næstur.

Ritstjórn
Sigurður Atli Jónsson, stjórnarformaður ILTA Investments, var næst launahæstur á meðal starfsmanna fjármálafyrirtækja.
Haraldur Guðjónsson

Arnar Scheving Thorsteinsson var tekjuhæstur meðal starfsmanna fjármálafyrirtækja hér á landi í fyrra og námu tekjur hans að jafnaði tæplega 9,6 milljónum króna á mánuði, samkvæmt álagningarskrám ríkisskattstjóra. 

Þetta er meðal þess sem fram kemur í tekjublaði Frjálsrar verslunar sem kom út í dag. Í blaðinu má finna upplýsingar um tekjur ríflega 3.700 Íslendinga. Að þessu sinnir eru tveir nýir flokkar í blaðinu. Annars vegar yfir tekjur áhrifavalda á samfélagsmiðlum og hins vegar fasteignasala.

Næst tekjuhæstur á meðal starfsmanna fjármálafyrirtækja var Sigurður Atli Jónsson, stjórnarformaður ILTA Investments og fyrrverandi forstjóri Kviku banka, en mánaðartekjur hans námu að jafnaði 8,6 milljónum á mánuði.

Fimm tekjuhæstu starfsmenn fjármálafyrirtækja árið 2018:

  1. Arnar Scheving Thorsteinsson, fjármstj.                    9,6 milljónir 
  2. Sigurður Atli Jónsson, stj.form. ILTA Investm.            8,6 milljónir
  3. Snorri Arnar Viðarsson, skilanefnd Glitnis.                 7,4 milljónir
  4. Hilmar Þór Kristinsson, fjárf., fv. skilan. Kaupþings    6,2 milljónir
  5. Höskuldur H. Ólafsson, fv. bankastj. Arion                 5,8 milljónir

Útreikningar Frjálsrar verslunar byggja á útsvarsskyldum tekjur á árinu 2018 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna starfa á fyrri ára. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði.

Tekjublað Frjálsrar verslunar kom út í morgun. Finna má blaðið á helstu sölustöðum en einnig má panta eintak hér

Stikkorð: verslunar Tekjublað 2019 Frjálsrar