Forstjóri og stofnandi hugbúnaðarfyrirtækisins Paycom Software, Chad Richison, hefur skotið mönnum á borð við Elon Musk og Tim Cook ref fyrir rass með því að vera tekjuhæsti forstjóri fyrirtækja sem eru hluti af bandarísku úrvalsvísitölunni S&P 500. WSJ greinir frá.
Launapakki hans á ársgrundvelli hjá Paycom er sagður vera 211 milljóna dala virði og ef allir skilmálar hans ganga upp gætu auðæfi hans því aukist um 2 milljarða dala næsta áratugi.
Endanlegt virði pakkans veltur á þróun hlutabréfaverðs og ku forstjórinn ekki eiga rétt á kaupaukum nema hlutabréfaverð Paycom ríflega tvöfaldist.
