WOW air flutti 242 þúsund farþega til og frá landinu í mars eða um 20% fleiri farþega en í mars árið 2017 og hefur félagið aldrei flutt fleiri farþega í marsmánuði. Þá var sætanýting WOW air 93% en var 91% í sama mánuði á síðasta ári. Þetta er þrátt fyrir 17% aukningu á framboðnum sætum á milli ára.
WOW air flýgur nú til 38 áfangastaða í Evrópu, Norður Ameríku og Asíu. Í lok mánaðarins hefst flug til Detroit auk þess sem flug til Cleveland, Cincinnati, Dallas og St. Louis hefst í maí. Þá mun WOW air einnig bjóða upp á beint flug til Rússlands í sumar á þá staði sem landslið Íslands keppir um heimsmeistaratitilinn í fótbolta.
