Aðeins er handfylli af riftunarmálum Kaupþings gegn fyrrverandi starfsmönnum ólokið. Í júní hafði sátt náðst í 51 af 67 málum og eftir að Kaupþing vann málið gegn Delíu Kristínu Howser fyrr á árinu hafa fleiri fyrrverandi starfsmenn kastað inn handklæðinu.
Á dagskrá Hæstaréttar eru fjögur riftunarmál af þessu tagi en auk þeirra er mál Sigurðar Einarssonar sem ekki er enn komið á dagskrá Hæstaréttar þótt því hafi verið áfrýjað. Guðni Haraldsson, lögmaður Kaupþings, segir að nú þegar hafi eitt þessara mála verið fellt niður eftir að sátt náðist. Þá segir hann að verið sé að klára sáttagerðir í fleiri málum.
Guðni segir að Kaupþing hafi ekki gert kröfu um að nokkur þeirra starfsmanna, sem lokið hafa mál um sínum með sátt, verði gerðir gjaldþrota. Reyndar segir Guðni að ekki hafi verið þörf á að fara fram á gjaldþrotaúrskurð. Því er líklegt að þeir starfsmenn, sem skulduðu hvað mest hafi ekki enn samið við Kaupþing eða hafi einfaldlega haft efni á að gera upp við bankann.
Nánar er fjallað um málið í Viðskiptablaðinu. Áskrifendur geta nálgast blaðið undir liðnum Tölublöð hér að ofan.