*

miðvikudagur, 26. janúar 2022
Innlent 13. mars 2017 08:44

Safe Seat sigrar Gulleggið

Viðskiptahugmyndin Safe Seat, sem er fjaðrandi bátasæti sem verndar hryggsúluna í erfiðu sjólagi, sigraði Gulleggið 2017.

Ritstjórn
Safe Seat, sigurvegarar Gulleggsins 2017.
Aðsend mynd

Viðskiptahugmyndin Safe Seat, sem er fjaðrandi bátasæti sem verndar hryggsúluna í erfiðu sjólagi, sigraði Gulleggið 2017, frumkvöðlakeppni Icelandic Startups. Þetta segir í fréttatilkynningu.

Eliza Reid forsetafrú og Þórdís Kolbrún Reykfjörð Gylfadóttir, ferðamála-, iðnaðar-, og nýsköpunarráðherra afhentu verðlaunagripinn Gulleggið 2017 við hátíðlega athöfn í Hörpu laugardaginn 11. mars. Sigurvegararnir hlutu að launum milljón króna styrk frá Landsbankanum.

Í öðru sæti var S. Stefánsson & Co., en þau hanna hágæða útivistarfatnað, einangraðan með íslenskum æðardún. Þau hutu jafnframt að launum 500 þúsund. styrk frá Landsbankanum.

Í þriðja sæti var hugmyndin Project Monsters, sem er einstaklingsmiðaður námsleikur sem eykur færni og skilning og er ætlað að veita skólum forskot inn í framtíðina. Þau hlutu að launum 300 þúsund króna. styrk frá Landsbankanum.

Aukaverðlaun

•KPMG veitir 20 ráðgajafatíma // S. Stefánsson & Co.
•ADVEL lögmenn veita 10 klst. lögfræðiráðgjöf // Procura Home
• Marel á Íslandi veitir 10 klst ráðgjöf sérfræðinga úr sínum röðum//Safe Seat
•Frumtak Ventures veitir hópmarkþjálfun hjá Svövu Bjarnadóttur, stjórnendamarkþjálfa hjá Kapituli ehf // Project Monsters
•Íslandsstofa fá að launum sæti í aðallínu Útlínu // S. Stefánsson & Co
•Dale Carnegie veitir öllum þátttakendum í topp tíu teymunum gjafakort á námskeiðin Sala og Árangursrík framsögn

Einnig var staðið fyrir vali fólksins sem opin netkosning, en þá viðurkenningu hlaut fyrirtækið BlissApp, en forritið er ætlað þeim sem ekki geta tjáð sig með hefðbundnum hætti, s.s. fötluðum eða einhverfum, aukið frelsi til samskipta.

„Gulleggið er haldið á vegum Icelandic Startups í samstarfi við Háskóla Íslands, Háskólann í Reykjavík, Bifröst og Listaháskóla Íslands með stuðningi lykilaðila í íslensku atvinnulífi. Í ár fagnar Gulleggið tíu ára afmæli en yfir 2.300 hugmyndir hafa borist í keppnina frá upphafi. Ár hvert hafa tíu hugmyndir verið valdar í sérstakan úrvalshóp. Af þeim 100 viðskiptahugmyndum sem eru í þeim hópi er tæplega helmingur þeira enn starfandi. Samanlögð áætluð velta þeirra árið 2016 var um 3,7 milljarðar króna. Þá hafa þessi fyrirtæki skapað yfir 300 störf og 38% einstaklinga úr þeim hópi stofnað enn annað fyrirtæki.

Í ár tóku þátt 125 viðskiptahugmyndir, en keppnin hefur staðið yfir síðustu tvo mánuði. Þátttakendur hafa sótt námskeið og fengið þjálfun í mótun viðskiptahugmynda og leiðsögn við uppbyggingu nýrra fyrirtækja. Fulltrúar tíu stigahæstu viðskiptaáætlananna kynntu hugmyndir sínar fyrir dómnefnd í gærmorgun:

•    Barnamenningarhús - Samkomustaður þar sem börnum býðst að upplifa fjölbreyttar listgreinar á einum stað og fá útrás fyrir sköpunargleði sína.
•    BlissApp – Samskiptaforrit fyrir fólk sem notar óhefðbundin tjáskipti.
•    S.Stefánsson & Co. – Hanna hágæða útivistarfatnað einangraðan með íslenskum æðardún.
•    Fjölskyldumyllan – Ráðgjafafyrirtæki sem fræðir og ráðleggur foreldrum um allt það sem kemur að uppeldi barna og unglinga.
•    HappaGlapp – Skafmiðaforrit fyrir snjallsíma.
•    LabFarm – Tengir saman tölvukrafta háskóla um allan heim til að stuðla að hagkvæmari nýtingu og lægri rekstrarkostnaði.
•    League Manager – Hugbúnaður sem auðveldar skipulagningu íþróttamóta.
•    Procura Home – Vefrænt sölu- og verðmatskerfi fasteigna.
•    Project Monsters – Einstaklingsmiðaður námsleikur sem ætlað er að auka námsfærni og –skilning.
•    SAFE seat – Fjaðrandi bátasæti sem verndar hryggsúluna í erfiðu sjólagi.“