Ljósmyndarinn og leikstjórinn Saga Sig er gengin til liðs við Sagafilm.

Saga var lengi búsett í London en þar lærði hún ljósmyndun og útskrifaðist með BA-próf fyrir þremur árum. Á meðan hún bjó í London vann hún m.a. fyrir fyrir Nike, Topshop, Dazed and Confused og Vogue Japan, en myndir hennar hafa birst í miðlum um allan heim.

Fyrir um það bil ári flutti Saga aftur til Íslands og hún hefur þegar stigið sín fyrstu skref fyrir Sagafilm við framleiðslu á nýrri auglýsingu fyrir verslunarmiðstöðina Smáralind sem gerð var nú í sumar.