*

miðvikudagur, 26. júní 2019
Innlent 10. ágúst 2018 13:41

Sala á Ameríkuflugi ekki í takt við aukið framboð

Sala á áfangastaði Icelandair í Norður-Ameríku hefur ekki verið í takt við aukið framboð á meðan eftirspurn eftir Evrópuflugi félagsins hefur verið mjög góð.

Ritstjórn
Haraldur Guðjónsson

Sala á áfangastaði Icelandair í Norður-Ameríku hefur ekki verið í takt við aukið framboð á meðan eftirspurn eftir Evrópuflugi félagsins hefur verið mjög góð. Þetta kemur fram á vef Túrista.

Sætanýtingin í fluginu til Evrópu var því há eða 90,7% í síðasta mánuði. Hlutfallið var aðeins 81,9% í ferðum Icelandair vestur um haf og er það umtalsverð lækkun frá því í fyrra samkvæmt því sem fram kemur í tilkynningu.

Í júlí árin 2015, 2016 og 2017 var vægi flugferða til Norður-Ameríku rétt rúmur þriðjungur en í nýliðnum júlí var hlutfallið hins vegar komið upp í 42 prósent.

Í ár fór félagið jómfrúarferðir til bandarísku borganna Cleveland, Dallas, Kansas, Baltimore og San Francisco. Eina borgin í Evrópu sem bættist við leiðakerfið var Dublin. 

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is