Sala á Apple Watch snjallúrunum hefur fallið um 55% frá því að úrið kom fyrst á markað árið 2015. Þetta kemur fram á vef CNN Money.
Tölvurisinn seldi 3,6 milljón úr á fyrstu þremur mánuðunum eftir útgáfu. Salan féll hins vegar fljótlega niður í 1,6 milljón eintök og það þrátt fyrir verulegar verðlækkanir á úrinu.
Líklegt er að framleiðandinn uppfæri stýrikerfi úranna í haust, og er þá óskandi að félagið nái að snúa þessari neikvæðu þróun við. Keppinautar Apple, hafa einnig gefið út snjallúr. Sala Samsung, Lenovo og LG hefur hins vegar aukist.
