*

miðvikudagur, 20. janúar 2021
Erlent 16. júlí 2020 14:22

Sala Domino‘s jókst í faraldrinum

Fyrirtækið býður viðskiptavinum að fá pítsur afhentar út í bíl, hvort sem það er í framsætinu, aftursætinu eða í skottinu.

Ritstjórn
epa

Sala alþjóðlega fyrirtækisins Domino‘s Pizza Inc, aðlöguð fyrir fjölda matsölustaða, hækkaði um 16,1% á öðrum ársfjórðungi samanborið við fyrra ár, samkvæmt nýbirtu árshlutauppgjöri. Aukning sölunnar er um 10,7% hærri en greiningaraðilar höfðu spáð. Reuters segir frá

Domino‘s er ein af fáum matsölukeðjum sem hafa séð aukningu í sölu í heimsfaraldrinum en neytendur virðast sækja í þægindi heimpantaðra pítsa. Fyrirtækið sagði að breyting á neysluvenjum í faraldrinum hafi leitt til aukinna pantanna.

Matsölukeðjan kynnti einnig til leiks nýja snertilausa afgreiðsluþjónustu í Bandaríkjunum þar sem viðskiptavinir geta valið hvar starfsmenn afhenda pítsurnar: í framsætinu, aftursætinu eða skottinu. Sala í gegnum bílalúgur hafa einnig aukist líkt og hjá McDonalds

Heildartekjur Domino‘s hækkuðu um 13,4% milli ára og námu 920 milljónum dollara á öðrum ársfjórðungi fjárhagsársins sem lauk 14. júní. 

Stikkorð: Domino's Domino's Pizza