Nokia hefur ákveðið að fresta því að ganga frá sölunni á farsímaframleiðslu sinni þangað til í apríl. Ástæðan er sú að eftirlitsaðilar í Asíu eiga eftir að leggja blessun sína yfir viðskiptin.
Microsoft greindi frá því í september að til stæði að fyrirtækið myndi taka yfir tæknihluta Nokia, sem framleiðir meðal annars farsíma Nokia. Kaupverðið var 7 milljarðar dala. Ætlunin var að ljúka við samninga á fyrsta fjórðungi.
Nokia tilkynnti í morgun að samþykki hefði að mestu leyti fengist frá framkvæmdastjórn Evrópusambandsins og varnarmálaráðuneyti Bandaríkjanna. Þessi viðskipti gengu því vel.
Talsmaður Nokia í Indlandi vildi ekki tjá sig um það hvaða lönd það væru þar sem eftirlitsaðilar hefðu ekki gefið samþykki sitt. Þó er vitað að Kína hefur ekki enn samþykkt.