Stefán Hilmarsson og Guðmundur Jónsson úr Sálinni hans Jóns míns fengu hvor um sig yfir tvær milljónir í tekjur vegna höfundargreiðslna árið 2008, sem runnu inn í Hugverkasjóðinn. Eyþór Gunnarsson, meðlimur Mezzoforte og afkastamikill lagahöfundur, er næstur á eftir Bubba þegar kemur að tekjum árið 2008. Félag hans, Al-Coda, fékk tæpar þrjár milljónir, sem fór upp í 11 milljón króna láni sem hann fékk.
Ýtarlega er fjallað um tekjur tíu tónlistarmanna 2007 og 2008 í nýja tölublaði Viðskiptablaðsins auk þess sem farið er yfir samning þeirra við Hugverkasjóð Íslands sem var í eigu Baugs. Upplýsingarnar eru unnar úr árskýrslum höfundarréttarfélaga þeirra, sem Hugverkasjóður ræður yfir. Allt bendir til þess að Hugverkasjóður verði í náinni framtíð stjórnað frá Straumi, enda stærsti kröfuhafinn í félagið sem á sjóðinn.
Tekjur tónlistarmanna fyrir höfundarrétt árið 2008:
- Valgeir Guðjónsson 2.022.000 kr.
- Bubbi Morthens 3.572.000 kr.
- Guðmundur Jónsson 2.053.000 kr.
- Björn Jörundur Friðbjörnsson 1.452.000 kr.
- Eyþór Gunnarsson 2.963.000 kr.
- Jón Ólafsson 1.334.000 kr.
- Jakob Frímann Magnússon 794.000 kr.
- Stefán Hilmarsson 2.125.000 kr.
- Gunnar Þórðarsson 2.622.000 kr.
- Helgi Björnsson 453.000 kr.