Greiðslumiðlunarfyrirtækið Salt Pay mun greiða samtals 27 milljónir evra – jafngildi um 4,3 milljarða króna – fyrir 96% hlut í Borgun, samkvæmt heimildum Markaðarins .
Felur þetta í sér 1,3 milljarða króna lækkun frá þeim 35 milljónum evra sem gengið var út frá við undirritun kaupsamnings í mars, en rekstrartap Borgunar nam 642 milljónum króna á fyrstu fimm mánuðum þessa árs.
Í síðustu viku var tilkynnt að Salt Pay myndi kaupa 63,5% hlut Íslandsbanka í Borgun, auk 32,4% hlutar eignarhaldsfélagsins Borgunar slf, samtals 95,9%.
Í gær gaf Fjármálaeftirlit Seðlabankans það svo út að Salt Pay hefði verið metið hæft til að fara með eignarhlutinn, og samþykkti þar með kaupin.
