*

miðvikudagur, 8. desember 2021
Erlent 14. apríl 2014 14:39

Sameinuðu þjóðirnar vara við bananakreppu

Sveppur sem kallaður er Panamasveppur gæti lagt stóran hluta bananaræktunar í heiminum í rúst.

Ritstjórn
european pressphoto agency

Alvarlegur sveppasjúkdómur sem herjar á banana gæti orðið til þess að leggja í rúst stóran hluta af bananarækt í heiminum. Þetta segja talsmenn Sameinuðu þjóðanna. Ástandið gæti haft alvarlegar afleiðingar fyrir fátækustu ríki heims.

Samkvæmt upplýsingum frá Sameinuðu þjóðunum eru bananar fjórða mikilvægasta matvaran fyrir þróunarríkin í heiminum. Vegna þessarar sveppasýki er aftur á móti hætta á að bananarækt fari í rúst. 

Það er svokölluðu Panama-veira sem ræðst á banana í Afríku, Asíu og Miðausturlöndum. Sveppurinn hefur lagst á svokallaða Cavendish banana sem eru þeir vinsælustu á markaðnum. 

Stórframleiðendur í Suður-Afríku, Kólumbíu og Ekvador hafa sloppið við sveppinn. 

Á norska viðskiptavefnum e24 er tekið fram að sveppurinn er ekki hættulegur mönnum. 

Stikkorð: Bananar