*

sunnudagur, 18. apríl 2021
Innlent 14. október 2020 07:20

Samherji kaupi lóð álversins í Helguvík

Samherji vill hefja laxeldi á lóð Norðuráls í Helguvík þar sem til stóð að reisa álver.

Ritstjórn
Þorsteinn Már Baldvinsson, forstjóri Samherja.
Aðsend mynd

Norðurál og Samherji hafa gengið frá viljayfirlýsingu um að Samherji kaupi eignir Norðuráls í Helguvík að því er fullyrt í Fréttablaðinu í dag. Samherji mun hafa áhuga á að reisa laxeldi á landi á svæðinu. Félagið kannar nú hvort hægt sé að nýta þær byggingar sem Norðurál reisti undir slíka starfsemi og er talið að niðurstaða verði komin í þá athugun fyrir árslok. 

Norðurál sóttist nýlega eftir leyfi því að stunda aðra starfsemi en að reka álver á lóðinni í Helguvík. Framkvæmdir hófust árið 2008 við álver Norðuráls í Helguvík en aldrei tókst að semja um næga raforku til að knýja álverið. Lóðin er alls um 100 hektarar og byggingar Norðuráls telja um 23 þúsund fermetra.

Fréttablaðið bendir á að Samherji stundi þegar fiskeldi við Grindavík og á Vatnsleysuströnd og reki bleikjuvinnslu í Sandgerði.