Samherji og FISK Seafood eiga saman 75% hlut í Olís en kaupin voru samþykkt hjá Samkeppniseftirlitinu sem birti málið í síðustu viku. Þetta kemur fram í Fréttablaðinu í dag. Fyrrum eigendur Olís, Einar Benediktsson forstjóri þess og Gísli Baldur Garðarsson, eiga 25% í gegnum félag sitt FAD 1830 ehf.

Samkeppniseftirlitið setti ýmis skilyrði fyrir kaupunum en aðilar frá Samherja og Fisk mega ekki, á sama tíma, sitja í stjórn Olís.