Samningar hafa náðst á milli ríkisins, Sambands íslenskra sveitarfélaga og samtaka opinberra starfsmanna um lífeyrismál. Þetta kemur fram í Morgunblaðinu .
Samningar þessa efnis verða því undirritaðir við BSRB, BHM og KÍ á blaðamannafundi sem er haldinn af forsætis- og fjármálaráðherra um hádegisbil. Einnig verða breytingar kynntar á A-deild Lífeyrissjóðs starfsmanna ríkisins.
Samningarnir eru gerðir á grundvelli stöðugleikasáttmála ríkisins og aðila vinnumarkaðarins frá júní 2009. Hann felur einnig í sér jöfnun lífeyrisréttinda. Greiðslur í lífeyrissjóði á almennum vinnumarkaði hafa þegar verið færðar til samræmis við opinbera markaðinn.
