Kjarasamningur VR við Samtök atvinnulífsins var samþykktur samhljóða á fundi trúnaðarráðs félagsins í dag. Greint er frá þessu á mbl.is .
„Næsta skref er að leggja þessa samninga í dóm félagsmanna okkar, þeir hafa alltaf lokaorðið. Núna koma nokkrir daga þar sem verið er að vinna kynningarefni þannig það er allavega vika þar til kosning hefst.,“ segir Ólafía B. Rafnsdóttir, formaður VR, í samtali við mbl.is.
Ólafía segir að mikil ánægja ríki um samninginn í trúnaðarráði VR, en í því sitja auk stjórnar 82 fulltrúar, alls 100 fulltrúar. Samningurinn verður undirritaður í húsnæði ríkissáttasemjara klukkan tvö í dag.