Snjallsímaframleiðandinn Samsung hefur hætt tímabundið framleiðslu á Note 7 símanum vegna þess að enn berast fregnir af því að síminn eigi það á hættu að kvikni í honum.
Gerist það þrátt fyrir að síminn hafi verið innkallaður í september og að fyrirtækið hafi fullyrt við viðskiptavini að síminn væri orðinn öruggur eftir að rafhlöður sem ollu vandanum var skipt út.
Símafyrirtæki stöðvað sölu
Enn fremur hafa tvö símafyrirtæki í Bandaríkjunum hætt að selja símana. Bæði AT&T og T-Mobile hafa lýst því yfir.
Í yfirlýsingu í síðasta mánuði sagði Samsung að ofhitnun ætti sér stað vegna „fágæts“ framleiðslugalla sem gerði það að verkum að plús og mínusskautin á rafhlöðunum næðu að snertast.
Svefnherbergið fylltist af reyk
Í síðustu viku þurfti að yfirgefa flugvél í Bandaríkjunum eftir að nýr Note 7 sími sem skipt hafði verið um í kjölfar innköllunarinnar hefði byrjað að senda frá sér reyk.
Í Kentucky í Bandaríkjunum vaknaði maður í reykfylltu svefnherbergi eftir að kviknaði í síma sem skipt hafði verið út.
Hent í skammarkrókinn við hliðina á Ford Pinto
Eric Schiffer, Sérfræðingur í vörumerkjum hjá Reputation Management Consultans segir að fyrirtækið ætti að grípa til aðgerða til að takmarka ímyndarskaðann.
„Ef framleiðsla á Note 7 símanum fær að halda áfram gæti það leit til mestu sjálfseyðingar á vöru í sögu nútímatækni,“ sagði hann. „Samsung þarf bara að afskrifa símann og kasta honum í skammarkrókinn við hliðina á Ford Pinto.“
Árið 1977 var Pinto bíllinn afskrifaður vegna öryggismála í stærstu afturköllun sögunnar hingað til.