Arion banki hefur fyrir sitt leyti samþykkt að Gift fjárfestingarfélag, sem stofnað var utan um eignir og skuldbindingar Samvinnutrygginga um mitt ár 2007, fari í gegnum nauðasamningsferli fremur gjaldþrotameðferð, að því er heimildir Viðskiptablaðsins herma. Bankinn er stærsti kröfuhafi félagsins.
Formlega á þó enn eftir að klára samþykkt nauðasamningsins. Í nauðasamningnum felst að nákvæm skoðun og rannsókn fari fram á öllum viðskiptum Giftar með tilliti til þess hvort lögbrot hafi verið framin eða óeðlileg viðskipti yfir höfuð. Endurskoðunarfyrirtækið Ernst & Young annast þá vinnu.
Fjárhagsleg staða Giftar er vægast sagt slæm. Hún sveiflaðist að miklu leyti með markaðsvirði hlutabréfaeigna sem félagið átti, á árunum fyrir hrun. Um mitt ár 2007 var eigið fé Giftar um 30 milljarðar króna, eignirnar um 60 milljarða virði og skuldir upp á 30 milljarða.
Nánar er fjallað um málið í Viðskiptablaðinu sem kemur út á morgun, fimmtudag. Meðal annars efnis í blaði morgundagsins er:
- Sviðstjóri Íbúðalánasjóðs með rúmar 29 milljónir í ráðgjafagreiðslur
- Kyrrsetning eigna aðila tengdum Kaupþingi í Lúxemborg
- Rannsókn verður gerð á falli sparisjóðanna
- Refsiábyrgð fyrir bókhaldsbrot mjög skýr
- Vaxtaákvörðun peningastefnunefndar Seðlabankans
- Góð fjárhagsstaða hjá fimmtungi fyrirtækja samfleytt frá 2007
- Seðlabankinn gekkst í ábyrgð fyrir íslensk greiðslufyrirtæki
- Vaxandi áhugi á innfluttum vörum frá Kína
- Viðtal við Ómar Svavarsson forstjóra Vodafone