*

þriðjudagur, 26. október 2021
Fólk 16. janúar 2019 09:30

Sara Dögg nýr skrifstofustjóri

SVÞ hafa ráðið Söru Dögg Svanhildardóttur, en hún mun hafa umsjón með mennta- og fræðslumálum.

Ritstjórn
Sara Dögg Svanhildardóttir er nýr skrifstofustjóri hjá Samtökum verslunar og þjónustu.
Aðsend mynd

Sara Dögg Svanhildardóttir hefur verið ráðin til SVÞ – Samtaka verslunar og þjónustu sem skrifstofustjóri og í umsjón með mennta- og fræðslumálum. 

Sara Dögg hefur áralanga reynslu af stjórnun og menntamálum sem skólastjóri og við verkefnastjórnun grunnskólastarfs Hjallastefnunnar. Hún er grunnskólakennari frá KHÍ og með frekara nám í verkefnastjórnun og mannauðsstjórnun.

Sara Dögg kom að uppbyggingu tveggja grunnskóla hjá Hjallastefnunni sem og stofnun og stjórnun Arnarskóla. Þess utan hefur Sara Dögg starfað sem ráðgjafi í menntamálum og haft umsjón með fræðslumálum fyrir ýmis félagasamtök.