Már Guðmundsson seðlabankastjóri var samtals 69 daga erlendis á síðasta ári vegna verkefna á vegum Seðlabankans. Alls var um að ræða fimmtán utanlandsferðir. Ferðakostnaður Seðlabankastjóra á árinu 2012 nam um 8,3 milljónum króna en um 10,6 milljónum ef ferðir Arnórs Sighvatssonar aðstoðarseðlabankastjóra eru taldar með. Kemur þetta fram í skriflegu svari bankans við fyrirspurn Viðskiptablaðsins.
Þar kemur fram að hluti af verkefnum Seðlabankastjóra sé að sækja reglulega ákveðna fundi á alþjóðlegum vettvangi. Í sumum tilvikum er mögulegt að senda aðstoðarseðlabankastjóra í stað seðlabankastjóra.
Meðal þeirra funda sem seðlabankastjóri sækir eru sex fundi seðlabankastjóra á vegum Alþjóðagreiðslubankans í Basel, tveir fundir á vegum Alþjóðagjaldeyrissjóðsins og fundir seðlabankstjóra og yfirmanna fjármálaeftirlita Norðurlanda og Eystrasaltslanda.
Nánar er fjallað um málið í Viðskiptablaðinu sem kemur út á morgun.
Á meðal annars efnis í blaðinu er:
- Umfjöllun um virði Samherja
- Starfshópur um Íbúðalánasjóð vill að stofnaður verði heildsölubanki
- Gríðarleg eftirspurn í hlutafjárútboð i VÍS
- Hlutur kvenna á hlutabréfamarkaði minnkar
- Hópur fjárfesta í hópmálsókn gegn Arion banka
- Sveitarfélögin ýta fjárfestingarþörfinni inn í framtíðina
- Fjallað um útgáfu skilyrts skuldabréfs Landsbankans og hlutabréfaeign starfsmanna
- Margir óvissuþættir hafa áhrif á þjóðhagsspá Hagstofunnar
- Serbíuviðskipti Íslendinga skilja eftir sig slóð dómsmála
- Árni Hafstað, stofnandi brugghússins Gæðings, ræðir m.a. um samkeppnina í ítarlegu viðtali
- Umfjöllun um íslensk fyrirtæki sem hafa skipt um nafn á undanförnum árum
- Rætt er við listrænan stjórnanda Listahátíðar
- Spekingar spá í það hvaða kostum þjóðarleiðtogar þurfa að vera búnir
- Nýtt fyrirtæki hefur verið stofnað um upptöku og eftirvinnslu á myndefni
- Nærmynd af Vilhjálmi Vilhjálmssyni, forstjóra HB Granda
- Óðinn skrifar um áhrif skattastefnu á hagvöxt
- Huginn & Muninn eru á sínum stað auk Týs sem að þessu sinni skrifar um fríverslunarsamninga
- Þá eru í blaðinu myndasíður, pistlar og margt, margt fleira