*

fimmtudagur, 20. júní 2019
Innlent 7. janúar 2019 16:50

Seðlabankinn grípur inn á ný

Inngrip Seðlabankans á gjaldeyrismarkaði síðustu daga hafa komið markaðsaðilum nokkuð á óvart.

Ritstjórn
Haraldur Guðjónsson

Seðlabankinn greip inn á gjaldeyrismarkaðinn í dag í annan viðskiptadaginn í röð, með kaupum á krónum til að halda aftur af veikingu krónunnar. Seðlabankinn greip einnig inn í markaðinn á föstudaginn með kaupum á krónum. 

Viðskiptin kunna að vera til marks um ákveðna stefnubreytingu hjá bankanum þar sem hann hefur gripið inn í gjaldeyrismarkaðinn eftir innan við 1% veikingu krónunnar bæði á föstudag og í dag. Gjaldeyrisinngrip bankans í haust og byrjun vetrar voru gerð eftir meiri sveiflu á gengi krónunnar innan dagsins.

Eftir 5% styrkingu krónunnar gagnvart evru á síðustu tveimur vikum síðasta árs hefur krónan veikst undanfarna daga. Krónan féll um 0,75% gagnvart evru í dag og hefur veikst um 1,5% frá áramótum gagnvart evru.   

Konráð Guðjónsson, hagfræðingur Viðskiptaráðs spyr á Twitter hvort um sóun á gjaldeyri sé að ræða að kaupa krónur eftir svo litla sveiflu á gengi krónunnar.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is