Seðlabankinn beitti inngripum á gjaldeyrismarkaðinn í dag. Þetta staðfestir Stefán Jóhann Stefánsson, upplýsingafulltrúi Seðlabanka Íslands, í samtali við Viðskiptablaðið.
„Seðlabankinn beitti inngripum á gjaldeyrismarkaðinn í dag í samræmi við yfirlýsingu peningastefnunefndar. Það var ákveðin hreyfing á markaði sem átti sér stað og Seðlabankinn greip inn í til að sporna við henni,“ segir Stefán.
Aðspurður um umfang inngripsins vildi hann ekki tjá sig en sagði að nánari upplýsingar verði gerðar opinberar á heimasíðu bankans eftir 2 daga.
