Guðlaug­ur Þór Þórðar­son, vara­formaður fjár­laga­nefnd­ar Alþing­is, gagnrýndi hversu lítið op­in­ber­ar stofn­an­ir bjóða út í ræðu sinni á fundi Fé­lags at­vinnu­rek­enda um útboðsmál í morg­un. Þetta kemur fram í frétt Morgunblaðsins í dag. Yf­ir­skrift fund­ar­ins var: „Er ríkið lé­leg­ur neyt­andi? Vannýtt tæki­færi í inn­kaup­um og útboðsmá­l­um rík­is­ins.“

Guðlaug­ur seg­ir skiln­ing vanta á að verið sé að sýsla með pen­inga allra lands­manna. Sagði hann þær stofn­an­ir sem ekki bjóði út hljóti að hafa of mikið á milli hand­anna og skera ætti niður fjármagn til þeirra. Í ræðu sinni benti hann jafnframt á að ríkið kaup­i vör­ur og þjón­ustu fyr­ir um 88 millj­arða króna á ári.

Í frétt Morgunblaðsins kemur fram að ein­föld skoðun á útboðsmá­l­um rík­is­stofn­ana hafi ný­lega verið fram­kvæmd af hálfu meiri­hluta fjár­laga­nefnd­ar og var send­ur út spurn­ingalisti til hlutaðeig­andi. Þar var ein­ung­is spurt um inn­kaup á þjón­ustu sem auðvelt ætti að vera að bjóða út, líkt og tölvuþjón­usta, raf­orka, fjar­skipti, iðnaðar­menn o.fl.

Spurn­ing­arn­ar náðu til 160 stofn­ana og var niðurstaðan að inn­an við 50% var boðið út. Al­menn rekst­ar­ráðgjöf er sjaldn­ast sett í útboð, eða í 1,3% til­vika, en fjar­skiptaþjón­usta er oft­ast boðin út, eða í 45,6% til­vika. Það sem auðveld­lega ætti að vera hægt að bjóða út, líkt og raf­magn, var boðið út í um 7,5% til­vika.

Guðlaug­ur sagði þetta vera al­var­lega stöðu og bætti við að málið sneri ekki síður að heil­brigðri og eðli­legri sam­keppni líkt og að hag­kvæm­ari inn­kaup­um.