Theo Bertram, framkvæmdastjóri opinberrar stefnumótunar fyrir Evrópu, Miðausturlönd og Afríku hjá TikTok segir að fyrirtækið muni neita að gefa gögn af nokkru tagi til kínveskra yfirvalda. BBC greinir frá .

„Að gefa það í skyn að við séum að einhverju leyti undir hælnum á kínverskum yfirvöldum er algjörlega rangt," sagði Bertram í samtali við BBC.

Framtíð snjallforritsins í Bandaríkjunum er óljós þar sem Bandaríkjamenn íhuga að banna miðilinn ef þeir munu halda áfram að vera í samstarfi við Kína.

Mike Pompeo, utanríkisráðherra Bandaríkjanna hefur sagt að notendur tiktok í Bandaríkjunum eigi þá hættu að gögnin sem þau hlaða inn á miðillinn endi í höndunum á kínverska kommúnistaflokknum.