„Ég er búinn að kanna þetta í allan dag og verið í sambandi við stjórnendur bankans og þeir segja þetta úr lausu lofti gripið,“ segir Friðbert Traustason, formaður Samtaka starfsmanna fjármálafyrirtækja í samtali við mbl.is í gærkvöldi.
Greint var frá því í Mannlífi í gær að Arion banki hygðist segja upp 80 starfsmönnum á næstu dögum. Upplýsingafulltrúi bankans neitaði hins vegar í samtali við Vísi að þetta stæði til.
Friðbert segir að reyndar tali stjórnendur bankans um að framundan séu ýmsar breytingar í hagræðingaskyni. Hann segir jafnframt að yfirvofandi breytingar hafi valdið óróleika í greininni og fari mjög illa orðið í starfsmenn. „Ef maður hlustar á stjórnendur þessara þriggja banka þá er það nú fyrst og fremst hagræðingartal sem maður heyrir frá þeim, og hagræðing virðist alltaf vera fólgin í því að segja upp fólki. Við náttúrlega fylgjumst með og verðum að vona það besta. Það er ekkert hægt annað.
Þetta eru ekki góðar starfsaðstæður fyrir neinn, hvorki starfsfólkið né bankana sjálfa,“