Eyþór Laxdal Arnalds, formaður nefndar um starfsemi RÚV segir stjórn RÚV hafa vegið að starfsheiðri nefndarmanna með að saka þá um lögbrot. Þetta kemur fram í Morgunblaðinu í dag.
Ásakanirnar sem vísað er til koma fram í tilkynningu sem RÚV sendi til kauphallarinnar á föstudagskvöld en þar segir:
„Fullyrt er að Ríkisútvarpið geri kröfu um skilyrt viðbótarframlag til næstu fimm ára og í áætlunum félagsins sé gert ráð fyrir verulega hækkuðu ríkisframlagi, þ.ám. að 3,2 milljörðum króna verði varið til að létta skuldum af Ríkisútvarpinu. Þetta er ekki rétt. Ríkisútvarpið hafði vakið athygli nefndarinnar á að fullyrðingar þeirra í skýrsludrögum væru rangar og jafnframt að þeim væri óheimilt með tilliti til laga um verðbréfaviðskipti nr. 108/2007 að birta upplýsingar sem vörðuðu rekstraráætlanir félagsins, þar með talið ósamþykktar sviðsmyndir, enda höfðu nefndarmenn ritað undir trúnaðaryfirlýsingu þess efnis.“
Eyþór vísar ásökunum á bug og vísar til tilynningar sem birtist á vef RÚV, en þar segir
„Mistök voru gerð við að láta gamlar lífeyrssjóðsskuldbindingar ríkisins fylgja með við hlutafélagsvæðinguna. Stjórnvöld þurfa að leiðrétta þessi mistök. Gera þarf nýjan þjónustusamning sem byggir á því að útvarpsgjald lækki ekki frekar og fjármögnun sé stöðug út samningstímann.“
Eyþór segir að ásakanirnar séu ósanngjarnar gagnvart nefndarmönnum og þetta bera þess merki um að stjórn RÚV vilji forðast umræðu um gjarna málsins.