Forsvarsmenn þýsku bílasamsteypunnar Volkswagen segjast ekki hafa áhuga á að fjárfesta í bandaríska rafbílaframleiðandanum Tesla samkvæmt frétt Reuters . Forsvarsmenn fyrirtækisins sáu sig knúnir til að svara sögusögnum um að Herbert Diess forstjóri Volkswagen hafi áhuga á því að fjárfesta í Telsa til þess að fá aðgang að hugbúnaðar- og rafgeymatækni Tesla en sögusagnirnar birtust í morgun í þýska viðskiptaritinu Manager Magazin.
Í fréttinni var vísað í háttsetta en ónefnda heimildarmenn innan Volkswagen sem sögðu að Deiss væri tilbúinn að láta til skarar skríða ef hann gæti.
Í tilkynningu frá Volkswagen kom hins vegar fram að frétt Manager Magazin ætti við enginn rök að styðjast.
