*

laugardagur, 31. júlí 2021
Innlent 3. desember 2007 11:20

Seðlabankinn endurskoðar gengisskráningarvogir

Ritstjórn

Seðlabanki Íslands hefur endurskoðað gengisskráningarvogir sem liggja til grundvallar skráningu á vísitölum meðalgengis í ljósi utanríkisviðskipta ársins 2006. Slík endurskoðun fór síðast fram í desember 2006. Meðfylgjandi töflur sýna nýju vogirnar og breytingar frá fyrri vogum.

Í frétt á heimasíðu Seðlabankans segir að nýju vogirnar munu mæla gengisbreytingar í vísitölum meðalgengis frá gengisskráningu frá og með 1.desember 2007 og þar til næsta endurskoðun fer fram. Gengisskráningarvogirnar eru endurskoðaðar árlega í ljósi samsetningar utanríkisviðskipta árið áður. Markmiðið er að þær endurspegli ætíð eins vel og kostur er samsetningu utanríkisviðskipta þjóðarinnar, bæði vöru- og þjónustuviðskipta.

Helstu breytingar frá fyrri vogum eru eftirfarandi.

Þrengri vöruskiptavog og þrengri viðskiptavog :

- Rússnesk rúbla og eistnesk króna falla út.

- Litháensk litas bætist við.

Breið vöruskiptavog og breið viðskiptavog (D):

- Tyrknesk líra og tékknesk króna bætast við.

Seðlabankinn mun í framhaldinu hætta birtingu núverandi vísitölu gengisskráningar. Vísitalan verður þó reiknuð áfram til ársloka 2008 út frá núgildandi vog sem tók gildi í júlí 2005.