Pylsuvagninn Selfossi hagnaðist um 15 milljónir króna árið 2019 og dróst hagnaðurinn lítillega saman frá fyrra ári er hagnaður nam 17 milljónum króna. Sala Pylsuvagnsins nam ríflega 194 milljónum króna og jókst um 7 milljónir frá árinu á undan. Rekstrargjöld námu 171 milljón króna og jukust um 8 milljónir frá fyrra ári.

Eignir Pylsuvagnsins námu 32 milljónum króna í árslok 2019 og eigið fé nam 19 milljónum króna. Eiginfjárhlutfall var því 59%. Handbært fé frá rekstri nam 19 milljónum króna í árslok 2019. Laun og launatengd gjöld námu 79 milljónum króna og jukust um 2 milljónir króna milli ára, en ársverk voru 11 árið 2019.

Greiddur var út 17 milljóna króna arður til eiganda Pylsuvagnsins árið 2019 vegna rekstrarársins 2018. Eigandi Pylsuvagnsins er Ingunn Guðmundsdóttir.