*

miðvikudagur, 14. apríl 2021
Innlent 3. mars 2021 12:07

Selur fyrir 114 milljónir í ISI

Danny Burton, framkvæmdastjóri Iceland Seafood UK, á eftir viðskiptin 15,4 milljónir hluti í ISI að andvirði 227 milljóna króna

Ritstjórn
Iceland Seafood var skráð í Kauphöllina í október árið 2019.
Eyþór Árnason

Danny Burton, framkvæmdastjóri Iceland Seafood UK, seldi í dag hlutabréf í Iceland Seafood International (ISI) fyrir 113,7 milljónir króna. Alls seldi hann ríflega 7,7 milljónir hluta á genginu 14,72 rétt fyrir ellefu leytið, samkvæmt tilkynningu til Kauphallarinnar. 

Eftir viðskiptin á hann enn tæplega 15,4 milljónir hluti í félaginu að andvirði 227 milljóna króna miðað við kaupgengið. Einnig á hann kauprétt að 685 þúsund hlutum til viðbótar. 

Burton stýrði Havelok, dótturfélagi Iceland Seafood í Bretlandi, sem sameinaðist svo Iceland Seafood Barraclough í desember í fyrra. Burton var ráðinn framkvæmdastjóri hins sameinaða félags sem fékk nafnið Iceland Seafood UK.