© Aðsend mynd (AÐSEND)
Lyfin tvö sem um ræðir, atorvastatin og enalapril, eru framleidd í verksmiðju þýska fyrirtækisins en þeim verður pakkað í lyfjaverksmiðju Coripharma í Hafnarfirði. Þaðan fara þau á markað í fjölmörgum Evrópulöndum undir merkjum STADA, m.a. á Íslandi og hinum Norðurlöndunum, og á stærstu markaði Evrópu eins og Þýskaland, Frakkland, Spán, Ítalíu og Holland.
Coripharma sérhæfir sig í þróun, framleiðslu og pökkun samheitalyfja, sem það selur til annarra lyfjafyrirtækja um allan heim. STADA er eitt stærsta lyfjafyrirtæki heims. Höfuðstöðvar fyrirtækisins eru í Bad Vilbel, skammt frá Frankfurt í Þýskalandi, en félagið selur lyf í um 120 löndum. Salan nam yfir 2 milljörðum evra á árinu 2018. Hjá Stada starfa um 10.400 manns.
Bjarni K. Þorvarðarson, forstjóri Coripharma: „Pökkunin fer af stað núna í desember. Þetta stóra verkefni gerir okkur kleift að fjölga starfsfólki fyrr en áætlanir okkar gerðu ráð fyrir, bæði á framleiðslusviði og í gæðaeftirliti.“
Eins og Viðskiptablaðið sagði frá keyptu fyrrverandi starfsmenn Actavis og fjárfestar keyptu lyfjaverksmiðju Actavis í Hafnarfirði 2018 og lyfjaþróun Actavis í Hafnarfirði í maí 2019, fyrir 826 milljónir króna .
