*

þriðjudagur, 23. júlí 2019
Innlent 15. mars 2019 14:04

Semja við elsta líftryggingarfélag Þýskalands

Líftryggingar VPV verða nú í boði í fyrsta sinn á íslenskum markaði eftir samning við Tryggingar og ráðgjöf.

Ritstjórn
Skrifað var undir samstarfsssamninginn í höfuðstöðvum VPV í Stuttgart nýverið. Frá vinstri eru Martin Huntemann, Stefan Burkhardt, Hákon Hákonarson, Trausti Ágústsson, Kristján Haraldsson og Torsten Poetz.
Aðsend mynd

Tryggingar og ráðgjöf hefur gert samstarfssaming við VPV, elsta líftryggingafélag Þýskalands. VPV var stofnað árið 1827 og er með höfuðstöðvar í Stuttgart. Verða tryggingar VPV því í boði á íslenskum markaði í fyrsta sinn að því er segir í fréttatilkynningu.

„Þetta er fyrsti samstarfssamningurinn sem VPV gerir utan Þýskalands og því er þetta sannarlega tímamótasamningur. Við erum afar stolt af því að vera fyrsti samstarfsaðili VPV utan Þýskalands, í 190 ára sögu félagsins,“ segir Hákon Hákonarson, framkvæmdastjóri Tryggingar og ráðgjafar.

„VPV býður upp á sveigjanlega lífeyristryggingu í evrum, sem hægt er að nota sem varasjóð til útgjalda eða hægt að taka út samhliða eftirlaunum. Það er ánægjulegt að geta boðið upp á tryggingar VPV fyrir íslenskan markað.“

Skrifað var undir samstarfssamninginn í höfuðstöðvum VPV í Stuttgart nýverið. „Þetta var mikil og löng undirbúningsvinna og tók alls tæpt eitt og hálft ár. Við erum mjög spennt fyrir að bjóða tryggingar VPV á íslenskum markaði og þýska félagið sömuleiðis. Þetta er nýjung fyrir þá að fara út fyrir Þýskaland. Það verður spennandi að sjá hvernig Íslendingar taka þessari nýju viðbót á líftryggingamarkaðnum.“