Rannsóknarnefnd Alþingis afhenti forseta Alþingis klukkan 13 í dag skýrslu um starfsemi Íbúðalánasjóðs. Kristján L. Möller sagði við upphaf þingfundar í dag að stjórnskipunar og eftirlitsnefnd muni fjalla um efni skýrslunnar. Á morgun fer svo fram sérstök umræða um efni skýrslunnar á Alþingi á morgun.
Rannsóknarnefndin var var skipuð í september 2011 og var henni ætlað að rannsaka starfsemi sjóðsins á árunum 2004 til 2010. Í nefndinni sátu Sigurður Hallur Stefánsson, fyrrum héraðsdómari, Kristín Flygenring hagfræðingur og Jón Þorvaldur Heiðarsson, lektor við viðskiptafræðideild Háskólans á Akureyri.
Opnað verður fyrir aðgang að skýrslunni klukkan 14 í dag. Á sama tíma verður hún kynnt á fréttamannafundi.
