*

þriðjudagur, 21. september 2021
Innlent 11. desember 2020 09:15

Setur 600 milljónir í Torg til viðbótar

Eigið fé Torgs ehf. hefur verið aukið um 600 milljónir króna af aðaleiganda félagsins, Helga Magnússyni.

Ritstjórn
Helgi Magnússon aðaleigandi Torgs.
Haraldur Guðjónsson

Helgi Magnússon hefur sett 600 milljónir króna til viðbótar í Torg í gegnum ónefnt fyrirtæki í hans eigu. Torg á og rekur Fréttablaðið, DV, sjónvarpsstöðina Hringbraut, nokkra vefmiðla og eigin prentsmiðju. Frá þessu er greint í Fréttablaðinu.

Sagt er frá því að tilgangur hlutafjáraukningarinnar sé að greiða upp óhagstæð lán ásamt því að mæta því tapi sem veirufaraldurinn hefur valdið á þessu ári. Á meðal annarra eiganda af Torgi eru Saffron, Jón Þórisson og Guðmundu Örn Jóhannsson.

Fréttablaðið keypti bæði DV og dv.is á síðasta ári en Hringbraut og Fréttablaðið sameinuðust einnig á síðasta ári. Greint var frá því að ef ekki hefði verið gripið til þess ráðs hefði Hringbraut orðið gjaldþrota. Í lok árs 2018 var hlutafé Torgs aukið um 300 milljónir.