Fasteignafélagið Regin hefur sent frá sér Kauphallartilkynningar vegna kaupa þriggja einstaklinga í framkvæmdastjórn og þriggja stjórnarmanna á hlutabréfum í félaginu. Viðskiptin koma í kjölfar þess að Regin lagði fram valfrjálst yfirtökutilboð í allt hlutafé Eikar fasteignafélags í gærkvöldi.
Sigla, fjárfestingarfélag Tómasar Kristjánssonar, stjórnarformanns Regins, keypti í fasteignafélaginu fyrir 80,5 milljónir króna á genginu 24,4 krónur á hlut. Eftir viðskiptin á Sigla 3,6% hlut í Regin.
Heiðrún Emilía Jónsdóttir, sem hefur setið í stjórninni frá árinu 2019, keypti í Regin fyrir nærri 8 milljónir króna. Guðrún Tinna Ólafsdóttir, sem tók sæti í stjórninni árið 2018, keypti fyrir um 2 milljónir.
Kaup stjórnarmanna
Kaupverð | Gengi |
80.501.480 | 24,4 |
7.991.000 | 24,4 |
1.999.200 | 23,8 |
Þrjár konur í framkvæmdastjórn fasteignafélagsins keyptu einnig hlutabréf í félaginu á genginu 24,4 krónur í dag.
Dagbjört Erla Einarsdóttir yfirlögfræðingur og Sunna Hrönn Sigmarsdóttir, framkvæmdastjóri sjálfbærni, fasteignareksturs og reksturs í fasteignum, keyptu hvor um sig í Regin fyrir tæplega 3 milljónir. Rósa Guðmundsdóttir fjármálastjóri keypti í fasteignafélaginu fyrir rúmar 2 milljónir.
Kaup einstaklinga í framkvæmdastjórn
Kaupverð |
3.172.000 |
2.975.604 |
1.983.720 |