Pósturinn minnir á síðasta örugga skiladag sendinga jólakorta og jólapakka innanlands fyrir jólin, 19.desember, svo allt skili sér í tæka tíð fyrir jólin.
Þetta kemur fram í tilkynningu frá Póstinum.
Síðasti dagur fyrir TNT hraðsendingar til landa utan Evrópu er fimmtudagurinn 18.desember en 19.desember fyrir TNT hraðsendingar til Evrópu.
„Pósturinn tekur alltaf á móti jólapósti en öruggast er að senda jólapakkana og jólakortin fyrir ofangreindar dagsetningar,“ segir í tilkynningunni.
Auka opnunartími er á öllum pósthúsum á höfuðborgarsvæðinu og á Akureyri til að auka þjónustu við landsmenn. Opið er sem hér segir:
- fimmtudagur 18.des 9-20
- föstudagur 19.des 9-20
- laugardagur 20.des 11-17
- sunnudagur 21.des 13-17
- mánudagur 22.des 9-20
- þriðjudagur 23.des 9-20
- miðvikudagur 24.des 9-12
Jólapósthús eru í Kringlu og Smáralind og eru þau opin á afgreiðslutíma verslunarmiðstöðvanna.
Allar nánari upplýsingar um síðustu skiladaga, staðsetningu pósthúsa, opnunartíma og þjónustu Póstsins er að finna á www.postur.is