Sigmundur Davíð Gunnlaugsson, formaður Framsóknarflokksins og fyrrverandi forseta, segist ekki hafa lagt upp með það að öðlast vopn gagnvart Sjálfstæðisflokknum þegar hann gekk á fund með forseta með beiðni um þingrof. Þetta kemur fram í ítarlegu viðtali í Morgunblaðinu.
Ólafur Ragnar Grímsson, forseti Íslands, sagði eftir fund sinn við Sigmund Davíð að honum hefði liðið sem sá síðarnefndi ætlaði að fá undirritað bréf sem heimilaði þingrof til að nota sem vopn í samningaviðræðum við Bjarna Benediktsson, formann Sjálfstæðisflokksins, um áframhaldandi stjórnarsamstarf.
Sigmundur Davíð þvertekur fyrir að slíkt hafi verið honum í huga og segir að bréfið hefði fyrst og fremst hafa verið ætlað Bjarna í valdabaráttu innan eigin flokks.
,,Ég leit ekki á þetta sem vopn gagnvart formanni Sjálfstæðisflokksins, heldur frekar nauðsynlegt vopn í hans höndum, til að geta gert sínum þingmönnum grein fyrir því, sem að mínu mati á að teljast sjálfsagður hlutur, að annað hvort standi menn saman um að verja ríkisstjórn, eða að hún sé fallin. Að þegar fyrir þinginu liggi tillaga um vantraust og að boðað skuli til kosninga verði stjórnarliðar að vera skýrir um það að þeir ætli að hafna slíkum tillögum, annars sé forsætisráðherra ekki í annarri stöðu en að boða til kosninga. Þetta er lykilatriði." sagði Sigmundur í viðtalinu.
Hið ítarlega viðtal má lesa á vef Morgunblaðsins þar sem margt áhugavert kemur fram.