Sigmundur Davíð Gunnlaugsson forsætisráðherra sagði á alþingi fyrr í dag að slitabú föllnu viðskiptabankanna fái engan afslátt af stöðugleikaskatti. Þetta kom fram í svari Sigmundar við fyrirspurn Árna Páls Árnasonar formanns Samfylkingarinnar.
Sigmundur Davíð sagði orðrétt um þetta: „Það stendur ekki til að veita neinn afslátt af stöðugleikaskattinum. Það kom fram þá þegar þegar ákvörðun stjórnvalda um losun hafta voru kynnt að það væru tvær leiðir færar. Báðar leiðir væru til þess hannaðar að ná sama markmiði.“ Þarna á forsætisráðherra við stöðugleikaframlag og stöðugleikaskatt.
Sigmundur sagði jafnframt að legið hafi fyrir frá upphafi að að Seðlabankinn og fjármálaráðherra muni ekki fallast á stöðugleikaskilyrðin og stöðugleikaframlögin nema þau uppfylli efnahagslegar kröfur, sem komi fram í lögunum.
Stöðugleikaskatturinn leggst á um næstu áramót ef slitabúin verða ekki búin að fá samþykkt stöðugleikaframlag fyrir þann tíma. Skatturinn er 39% og leggst á eignir slitabúanna.