*

mánudagur, 16. september 2019
Fólk 2. september 2019 10:19

Sigríður Ingibjörg nýr hagfræðingur BSRB

Sigríður Ingibjörg Ingadóttir fyrrum þingmaður Samfylkingarinnar er nýr hagfræðingur BSRB.

Ritstjórn
Sigríður Ingibjörg Ingadóttir hefur verið ráðinn hagfræðingur BSRB
Aðsend mynd

Sigríður Ingibjörg Ingadóttir hefur verið ráðin í stöðu hagfræðings BSRB og tók hún til starfa í dag. Sigríður hefur víðtæka þekkingu af málefnum verkalýðshreyfingarinnar og stjórnsýslunnar og mikla reynslu af greiningarvinnu og stefnumótun.

Sigríður starfaði áður á hagdeild ASÍ, sem sérfræðingur í félagsmálaráðuneytinu og sem sérfræðingur á þjóðhagsreikningasviði Hagstofunnar og hefur því þekkingu og reynslu af greiningarvinnu á sviði kjara-, velferðar-, skatta- og ríkisfjármála.

Þá sat hún á Alþingi frá 2009 til 2016 fyrir Samfylkinguna og var formaður fjárlaganefndar en lengst af formaður velferðarnefndar þingsins. Sigríður hefur nýlokið meistaranámi í stjórnun og opinberri stefnumótun við Goldman School of Public Policy við Kaliforníuháskóla í Berkeley í Bandaríkjunum. Fyrir var hún með meistaragráðu í viðskipta- og hagfræði frá Uppsala-háskóla í Svíþjóð.

„Það er afar ánægjulegt að bætast í hóp starfsmanna BSRB og vinna að hagsmunum um 22 þúsund félagsmanna bandalagsins,“ segir Sigríður. „Þetta eru spennandi tímar, kjaraviðræður í fullum gangi og mikil vinna fram undan hjá bandalaginu. Ég hlakka til að takast á við verkefnin og kynnast öllu því góða fólki sem starfar hjá aðildarfélögum BSRB.“

Sonja Ýr Þorbergsdóttir, formaður BSRB segir félagið afar heppi að hafa fengið svo öfluga konu til liðs við hópinn. „Hennar víðtæka reynsla mun nýtast okkur vel í yfirstandandi kjaraviðræðum og í öðrum stórum verkefnum sem eru fram undan,“ segir